-
Casa do Concello
- ALCALDÍA
-
CONCELLERÍAS
-
Benestar Social e Igualdade
- ▸ Actualidade
- ▸ Centros de Servizos Sociais
- ▸ Igualdade: Casa da Muller
- ▸ Accesibilidade
- ▸ Animación socio-cultural e centros de dinamización sociais rurais
- ▸ Programas de Actuación
- ▸ Unidade de Información a Inmigrantes e Emigrantes Retornados
- ▸ Oficina Municipal do Plan de Inclusión
- ▸ Certames e concursos
- ▸ Publicacións da Concellería
- ▸ Contactar
- Cultura, Turismo, Xuventude e Promoción da Lingua
- Deportes
- Economía, Emprendemento e Autónomos
- Desenvolvemento Local
- Educación, Formación e Orientación Laboral
- Infraestruturas e Medio Rural
- Recursos Humanos e Protección da Comunidade
- Servizos Xerais e Participación Cidadá
-
Urbanismo e Medio Ambiente
- ▸ Actualidade
- ▸ Comunicación Previa Apertura Establecementos Comerciais
- ▸ Abastecemento de auga
- ▸ Axenda 21
- ▸ Comunicación previa obras menores
- ▸ Punto Limpo
- ▸ A Limpeza na cidade
- ▸ Residuos
- ▸ Ordenanzas
- ▸ Exposición pública de plans urbanísticos
- ▸ Arquivo Municipal
- ▸ ITE
- ▸ Información Medioambiental
- ▸ Licenzas
- ▸ Normativa urbanística
- ▸ Planeamento, Xestión e Disciplina
- ▸ Rehabilitación
- ▸ Contactar
-
Benestar Social e Igualdade
- CONCELLO
- CENTROS MUNICIPAIS
- ORDENANZAS MUNICIPAIS
- ÓRGANOS MUNICIPAIS
- IMAXE INSTITUCIONAL
- GABINETE DE PRENSA
- PROTOCOLO
- TELÉFONOS
- Lugo Municipio
- Lugo Turístico
- Contorna Económica
- Zona de Servizos
- Lugo para a xente
Escoita esta páxina
Lugo será unha cidade de conto os días 19 e 20 de xullo
# Martes, 16/07/2013
Concello e Universidade colaboran nesta iniciativa do campUSCulturae
A Concelleira de Cultura, Carmen Basadre; o Vicerreitor da Universidade, Pedro García Herradón, e o coordinador do campUSCulturae, Xosé Antón Neira Cruz, presentaron hoxe o programa de actividades “Lugo, unha cidade de conto”, que se desenvolverá os días 19 e 20 de xullo.
A Concelleira de Cultura explicou que se trata dunha nova colaboración entre o Concello e a USC e que, grazas a esta iniciativa, distintos lugares do Centro da cidade vanse convertir en escenarios para a narración de contos.
Lugo, unha cidade de conto é un proxecto do campUSCulturae ideado para xerar actividade arredor dos contos e da cultura, tal e como adiantou este martes o coordinador deste proxecto, Xosé Antón Neira Cruz, no consistorio lugués na presentación desta actividade no transcurso dun acto no que tamén participaron o vicerreitor de Coordinación e Planificación do campus de Lugo, Pedro García Herradón, e a concelleira de Cultura do Concello de Lugo, Carmen Basadre.
O abano de actividades, música, teatro, contacontos…. programadas polo campUSCulturae a través desta nova iniciativa, tal e como é Lugo, unha cidade de conto, comezará a desenvolverse o venres 19 de xullo, a partir das 19.30 horas, no auditorio da Casa do Saber, coa representación da obra de teatro ‘A rebelión do monicreque’, a cargo dos actores da compañía Matapiollos. A entrada para asistir a esta obra de teatro e libre e gratuíta ata completar o aforo, con capacidade para pouco máis de 100 espectadores.
O campUSCulturae retomará a actividade creativa, integradora e participativa de Lugo, unha cidade de conto, o 20 de xullo coa organización de diversos obradoiros na Praza Maior, na Praza Anxo Fernández Gómez e no Quiosco da Música, espazos urbanos abrazados pola muralla romana de Lugo que, por un intre, mudarán en Praza de Aladino, Praza da Carapuchiña Vermella e na Praza de Alicia no País das Marabillas.
Nestes escenarios reais, aínda que transformados de cheo pola imaxinación, nenos/as e maiores poderán participar libremente desde primeira hora da mañá ata a noitiña nos distintos obradoiros de narración oral e teatro, expresión corporal e creación, ilustración ou obradoiros de reciclaxe e creación. Estes grupos de traballo, sempre abertos á incorporación de todo o público interesados desenvolveranse en quenda de mañá, de 11.00 a 13.00 horas e estarán guiados por Ana Carreira, Melania Cruz, Sara Pérez e Marga Portomeñe, ademais doutros monitores.
O circuíto de tapas ‘Comer e contar…, todo é empezar’, no que os hostaleiros lugueses ofrecerán nos seus respectivos locais tapas propias de distintas gastronomías e culturas, permitirá ao público satisfacer o apetito e prolongar a dimensión ficticia da cidade luguesa desde as 13.30 ata as 15.00 horas.
Xa en quenda de tarde, o obradoiro ‘Contamos contigo’, que se desenvolverá de 18.00 a 20.00 horas, servirá de colofón a unha xornada de conto coa celebración de diversas actividades e actuacións de dinamización abertas á participación activa de quen queira contar ou cantar da maneira que lle apeteza facelo. Todos estos actos previstos e programados poderán verse enriquecidos polas achegas espontáneas do público, que ten total liberdade para participar e ser protagonistas desta iniciativa do campUSCulturae, un proxecto de constitución dun espazo internacional dedicado ás minorías culturais do mundo.
O campUSCulturae aborda a creación, a cultura, a investigación, o coñecemento desde unha formulación propia do seu tempo e través do uso de todas as ferramentas tecnolóxicas que teña ao seu alcance. Trátase pois dun espazo integrador que fomenta o traballo en rede e reforza o espírito europeísta. Unha das aspiracións do campUSCulturae, que se presenta como plataforma de participación aberta e interxeracional, pasa por inspirar compromiso coa minoría e defensa de diversidade. Así, o campUSCulturae quere ser punto de encontro entre os nenos e os mozos e quen, dunha forma ou doutra, traballan por e para eles.
Lugo unha cidade de conto
Compartir:
