-
Casa do Concello
- ALCALDÍA
-
CONCELLERÍAS
-
Benestar Social e Igualdade
- ▸ Actualidade
- ▸ Centros de Servizos Sociais
- ▸ Igualdade: Casa da Muller
- ▸ Accesibilidade
- ▸ Animación socio-cultural e centros de dinamización sociais rurais
- ▸ Programas de Actuación
- ▸ Unidade de Información a Inmigrantes e Emigrantes Retornados
- ▸ Oficina Municipal do Plan de Inclusión
- ▸ Certames e concursos
- ▸ Publicacións da Concellería
- ▸ Contactar
- Cultura, Turismo, Xuventude e Promoción da Lingua
- Deportes
- Economía, Emprendemento e Autónomos
- Desenvolvemento Local
- Educación, Formación e Orientación Laboral
- Infraestruturas e Medio Rural
- Recursos Humanos e Protección da Comunidade
- Servizos Xerais e Participación Cidadá
-
Urbanismo e Medio Ambiente
- ▸ Actualidade
- ▸ Comunicación Previa Apertura Establecementos Comerciais
- ▸ Abastecemento de auga
- ▸ Axenda 21
- ▸ Comunicación previa obras menores
- ▸ Punto Limpo
- ▸ A Limpeza na cidade
- ▸ Residuos
- ▸ Ordenanzas
- ▸ Exposición pública de plans urbanísticos
- ▸ Arquivo Municipal
- ▸ ITE
- ▸ Información Medioambiental
- ▸ Licenzas
- ▸ Normativa urbanística
- ▸ Planeamento, Xestión e Disciplina
- ▸ Rehabilitación
- ▸ Contactar
-
Benestar Social e Igualdade
- CONCELLO
- CENTROS MUNICIPAIS
- ORDENANZAS MUNICIPAIS
- ÓRGANOS MUNICIPAIS
- IMAXE INSTITUCIONAL
- GABINETE DE PRENSA
- PROTOCOLO
- TELÉFONOS
- Lugo Municipio
- Lugo Turístico
- Contorna Económica
- Zona de Servizos
- Lugo para a xente
Escoita esta páxina
O Concello de Lugo garda loito polo accidente ferroviario de Santiago de Compostela
# Venres, 26/07/2013
A Corporación municipal secundou os cinco minutos de silencio que convocou hoxe a FEGAMP e tamén secundou onte o chamamento feito pola FEMP
O Alcalde accidental, Manuel Chaín, presidiu hoxe a concentración silenciosa convocada polo Concello como mostra de pesar polo tráxico accidente ferroviario rexistrado en Santiago de Compostela.
Na concentración, que tivo lugar ás doce e na que se gardaron cinco minutos de silencio, reuníuse a Corporación municipal ó pé da Casa do Concello e tamén participaron nela outras autoridades como o Presidente da Deputación provincial, José Ramón Gómez Besteiro, e varios Deputados desta institución, así como traballadores municipais e veciños e veciñas de Lugo.
Manuel Chaín lembrou que a de hoxe é a segunda concentración silenciosa que leva a cabo a Corporación municipal de Lugo como sinal de dor polo triste suceso ocorrido en Compostela.
O Concello atendeu hoxe o chamamento feito pola Federación Galega de Municipios e Provincias a todos os municipios de Galicia como xa secundara onte un minuto de silencio convocado a petición da Federación Española de Municipios e Provincias.
O Alcalde accidental explicou que os lucenses estamos conmovidos polas graves consecuencias deste dramático accidente ocorrido na capital de Galicia.
Manuel Chaín expresou todo o apoio e solidariedade do pobo de Lugo coas familias das vítimas mortais e fixo votos polo pronto restablecemento de todas as persoas que resultaron feridas no suceso.
Chaín tamén amosou o apoio do Concello de Lugo á cidade de Santiago de Compostela e felicitou ó Concello e á cidadanía de Santiago pola grande demostración de civismo coa que reaccionou diante dunha catástrofe de semellante magnitude.
Tan pronto se tivo noticia do suceso, o Alcalde de Lugo, José López Orozco, puxo a disposición do Alcalde de Santiago de Compostela, Celso Currás, todos os medios dos que dispón o Concello de Lugo por se fora preciso facer uso deles.
Desde onte ondean a media asta as bandeiras na Casa do Concello, en sinal de loito, que se prolongará durante sete días.
Ademais, o Concello suspendeu diversos actos festivos organizados pola Concellería de Cultura, como unha actuación da Banda Municipal, onte pola mañá, e o concerto de West side Bones correspondente ó ciclo "Músicas ao teu carón", que se ía celebrar hoxe ás 21 horas na Praza do Campo.
Asimesmo, o Goberno local suspendeu unha rolda de prensa que tiña previsto ofrecer esta mañá a Concelleira de Benestar Social e Igualdade, Ana González Abelleira.
Escoitar audio:
Compartir:
