Cargando....
Concello de Lugo
07/07/20
NOVAS
Escoita esta páxina

A Xunta de Goberno Local aproba a declaración de ruína de sete inmobles co fin de mellorar a estética e seguridade en diferentes zonas da cidade


# Mércores, 18/09/2013


Imaxe Asociada
O Voceiro do Goberno Local e Concelleiro de Urbanismo e Medio Ambiente, Luis Álvarez, deu conta esta mañá dos asuntos aprobados na Xunta de Goberno Local. Deles destacou a aprobación de declaración de rúina técnica e urbanística a sete edificiacións situadas en diversas zonas da cidade e que presentan un mal estado de conservación tanto nas fachadas, nas estruturas, cubertas ou carpintería, e nalgún caso xa carecen de ditos elementos.

Os inmobles declarados en ruína son tres no Carril dos Fornos, dous na rúa San Xillao, un na rúa Santiago e outro na rúa Xulia Minguillón, e en todos os casos, o Concello ordena aos propietarios a presentar no prazo máximo de 3 meses un proxecto técnico de demolición de todos eles.

O Voceiro do Goberno sinalou a importancia de manter as edificacións en bo estado tanto para a seguridade dos veciños e veciñas como para crear unha boa imaxe da cidade xa que moitos de estes edificios afean as rúas.

Os outros asuntos tratados na Xunta de Goberno Local foron relativos á tramitación administrativa ordinaria de licenzas de obras e liquidación de taxas.


Compartir:
Facebook Del.icio.us My Yahoo Technorati Meneame Wikio
RSS                                      Plan Avanza,Abre fiestra nova Instituto de Crédito Oficial,Abre fiestra nova