Cargando....
Concello de Lugo
29/10/20
NOVAS
Escoita esta páxina

O Foro de Igualdade de Lugo acorda solicitar por escrito ao Tribunal Constitucional a paralización da lei do aborto e da reforma local


# Xoves, 20/02/2014
A Concelleira de Benestar Social e Igualdade informou tamén que se traballou sobre as diferentes propostas para celebrar o día 8 de marzo

Imaxe Asociada
A Concelleira de Benestar Social e Igualdade, Ana González Abelleira, informou dos asuntos tratados durante o Foro de Igualdade do Concello de Lugo celebrado esta mañá e no que están representadas todas os grupos políticos e as entidades sociais da cidade.

O Foro de Igualdade acordou por unanimidade presentar un escrito ante o Tribunal Constitucional e ante o Goberno central para manifestar a repulsa ante a nova Lei do aborto e a Lei de Reforma local que “diminúen, aínda máis, os dereitos das mulleres e dos cidadáns en xeral” segundo informou González Abelleira. O fin deste escrito é a derogación de ambas leis que tanto afectan aos dereitos dos cidadáns.

A responsable de Benestar Social tamén informou que se recolleron ideas para a celebración do Día Internacional da Muller, o 8 de marzo, “día no que queremos reivindicar os dereitos adquiridos con moito traballo e despois de moitos anos e que este Goberno do Partido Popular está empeñado en eliminar”.

Neste sentido, manifestou a Concelleira que “todos e todas imos ter que usar moito a imaxinación xa que a Xunta e o Goberno do Estado nos deixou sen ningún tipo de competencias en materia de igualdade polo que para levar a cabo estas actividades teremos que “camuflalas” dentro doutras áreas como cultura ou deporte”.
Escoitar audio:
Escoitar audio:


Compartir:
Facebook Del.icio.us My Yahoo Technorati Meneame Wikio
RSS                                      Plan Avanza,Abre fiestra nova Instituto de Crédito Oficial,Abre fiestra nova