Cargando....
Concello de Lugo
29/03/24
NOVAS
Escoita esta páxina

O xoves 27 de febreiro e o sábado 1 de marzo proxéctase o documental Pacios de Manuel Darriba no MIHL


# Martes, 25/02/2014
Narra o proxecto fotográfico de Toño de López na súa aldea natal do Incio

Imaxe Asociada
O documental Pacios. As fotos da memoria, de Manuel Darriba, proxectarase no MIHL este xoves, 28 de febreiro, e sábado, 1 de marzo, ás 19:30. A película, que ten pasado por festivais internacionais de Europa e América, narra a experiencia artística do fotógrafo Toño de López na súa aldea natal de Pacios (O Incio), retratando a todos os veciños. Esta serie fotográfica tamén se expón na actualidad no MIHL e foi finalista en 2013 na primeira edición do Outono Fotográfico de Galicia.

Pacios foi escrito, dirixido e producido en 2011 polo escritor e guionista Manuel Darriba, co apoio da produtora independente Tintimán. Un reducido equipo acompañou a Toño de López no seu labor de retratar os últimos veciños da aldea cunha vella cámara de placas. A película explora este peculiar estudo das relacións entre arte, vida e memoria, xunto coa búsqueda do artista das súas raíces persoais e familiares.

Entre 2012 e 2013, o documental viaxou por Europa e América e estivo presente en diversos festivais internacionais: Lucerna (Suíza), Tesalónica (Grecia), Latin Side of The Doc (México), Nordkapp (Noruega) e os certames galegos Festival de Cine Etnográfico (Santiago) e Festival de Cine de Ourense.

A película foi incorporada recentemente á canle temática de documentais do LIFF (Festival Internacional de Lucerna), comercializándose a nivel global en plataformas de vídeo baixo demanda como Netflix ou iTunes e nos modelos de smart-TV de marcas como LG ou Sony.

Por outra banda, Pacios é distribuída en América pola colombiana Metro-TV, que negocia na actualidade a súa emisión en varias canles televisivas do continente.


Compartir:
Facebook Del.icio.us My Yahoo Technorati Meneame Wikio
RSS                                      Plan Avanza,Abre fiestra nova Instituto de Crédito Oficial,Abre fiestra nova