-
Casa do Concello
- ALCALDÍA
-
CONCELLERÍAS
-
Benestar Social e Igualdade
- ▸ Actualidade
- ▸ Centros de Servizos Sociais
- ▸ Igualdade: Casa da Muller
- ▸ Accesibilidade
- ▸ Animación socio-cultural e centros de dinamización sociais rurais
- ▸ Programas de Actuación
- ▸ Unidade de Información a Inmigrantes e Emigrantes Retornados
- ▸ Oficina Municipal do Plan de Inclusión
- ▸ Certames e concursos
- ▸ Publicacións da Concellería
- ▸ Contactar
- Cultura, Turismo, Xuventude e Promoción da Lingua
- Deportes
- Economía, Emprendemento e Autónomos
- Desenvolvemento Local
- Educación, Formación e Orientación Laboral
- Infraestruturas e Medio Rural
- Recursos Humanos e Protección da Comunidade
- Servizos Xerais e Participación Cidadá
-
Urbanismo e Medio Ambiente
- ▸ Actualidade
- ▸ Comunicación Previa Apertura Establecementos Comerciais
- ▸ Abastecemento de auga
- ▸ Axenda 21
- ▸ Comunicación previa obras menores
- ▸ Punto Limpo
- ▸ A Limpeza na cidade
- ▸ Residuos
- ▸ Ordenanzas
- ▸ Exposición pública de plans urbanísticos
- ▸ Arquivo Municipal
- ▸ ITE
- ▸ Información Medioambiental
- ▸ Licenzas
- ▸ Normativa urbanística
- ▸ Planeamento, Xestión e Disciplina
- ▸ Rehabilitación
- ▸ Contactar
-
Benestar Social e Igualdade
- CONCELLO
- CENTROS MUNICIPAIS
- ORDENANZAS MUNICIPAIS
- ÓRGANOS MUNICIPAIS
- IMAXE INSTITUCIONAL
- GABINETE DE PRENSA
- PROTOCOLO
- TELÉFONOS
- Lugo Municipio
- Lugo Turístico
- Contorna Económica
- Zona de Servizos
- Lugo para a xente
Escoita esta páxina
O Concello de Lugo pon en marcha o proceso do novo contrato do servizo público de autobuses urbanos
# Mércores, 02/04/2014
A Xunta de Goberno aproba os pregos para a contratación do servizo de transporte urbano, o Plan de Mobilidade e as directrices para suprimir as licencias de actividade
O prego dos autobuses prevé que poidan presentar ofertas as pemes e só se admitirán empresas con capacidade para prestar o servizo, alomenos, nas condicións actuais
O Concello anunciará a convocatoria no Diario da Unión Europea para asegurar que se presentan as mellores ofertas
O Concello de Lugo abriu hoxe o proceso para contratar a xestión do servizo público de transporte público colectivo de viaxeiros para a próxima década, segundo anunciou o Voceiro do Goberno local e Concelleiro de Urbanismo e Medio Ambiente, Luis Álvarez.
A Xunta de Goberno Local aprobou esta mañá, tal como estaba previsto, os pregos para a contratación da xestión do servizo público de transporte, que incluirá a achega de medios humanos, técnicos e materiais, a instalación, posta en funcionamento, mantemento e reparación dos autobuses e demais elementos auxiliares, a xestión d ecobros, a xestión de publicidade e, en xeral, todos os que resulten precisos para a correcta execución do servizo contratado.
A duración do contrato será de dez anos con ata un máximo de cinco anos de prórroga. O prezo do contrato establécese en 2,30 euros por kilómetro, de maneira que se estima o presuposto da anualidade en 3.279.346 euros.
A contratación da xestión do servizo público de transporte regular de viaxeiros na modalidade de concesión adxudicarase por procedemento aberto e para garantir a presentación do maior número posible de empresas, o Concello publicitará esta convocatoria, pese a non ter a obriga de facelo, no Diario Oficial da Unión Europea.
Nos pregos aprobados hoxe establécense os requisitos técnicos e económicos da convocatoria, cos que o Concello trata de asegurar que Lugo teña un transporte urbano de calidade coas mellores condicións económicas para as arcas municipais.
Entre outras medidas, está prevista a renovación e ampliación da flota de autobuses, contémplase un servizo especial de buses que recorra o Casco histórico e tamén o reforzamento das liñas ó Hula, ós polígonos industriais, á zona rural e ó barrio da Ponte. Tamén se introducirán importantes melloras para facilitar información ós usuarios co uso de canles como a Internet ou a telefonía móbil.
Co inicio do contrato deberán renovarse dende o primeiro momento 10 autobuses e durante o segundo ano de concesión, a adxudicataria comprometerase a establecer un plan piloto de eficiencia enerxética, baseado na adquisición de, polo menos, un vehículo de fontes enerxéticas e emisións distintas que se poida utilizar como base para a toma de decisións na renovación da flota durante o período da concesión.
Para garantir a solvencia económica da concesión, as empresas deberán acreditar unha facturación de 4.000.000 de euros, pero tamén se facilita a posibilidade de que concorran pemes que poderán presentar as súas ofertas en alianza con outras empresas. Neste caso, é necesario que unha delas acredite ter unha facturación mínima de 2.000.000 de euros e alomenos un 25% de participación.
Tocante á solvencia técnica, o prego establece a esixencia de que as candidatas demostren que poden asumir o servizo alomenos nas actuais condicións, é dicir, deben acreditar a xestión dun servizo de transporte público urbano ou metropolitano de viaxeiros mediante autobuses que dea servizo a un mínimo de 2.000.000 viaxeiros/ano ou garantir 1.500.000 kilómetros percorridos/ano, cifras equivalentes ás do actual servizo de buses urbanos de Lugo.
Co fin de que se presenten o maior número de empresas, o Concello publicará o anuncio desta convocatoria, aínda que non está obrigado a facelo, no Diario Oficial da Unión Europea.
Plan de Mobilidade
O Voceiro do Goberno local tamén deu conta da aprobación, fóra da orde do día, como documento de traballo do Plan de Mobilidade, no que é necesario actualizar algúns aspectos referidos ó transporte urbano, coa inclusión de novas liñas como as do HULA, e, ademais, ten que estar adecuado ó PXOM que foi aprobado con posterioridade á presentación deste documento.
Supresión de licenzas
A Xunta de Goberno Local aprobou, ademais, esta mañá as directrices que rexerán o funcionamento municipal ante a desaparición das licenzas de instalación das actividades e o establecemento das comunicacións previas ó inicio das actividades económicas, empresariais, profesionais, industriais ou comerciais.
Con estas directrices, o Concello de Lugo poderá axilizar a creación de novas iniciativas empresariais durante o período ata que poida ser modificada a Ordenanza municipal, que deberá adaptarse a normativas pendentes de aprobación pola Xunta como són a Lei de espectáculos públicos e actividades recreativas de Galicia e o Rexistro das entidades de certificación.
Compartir:
