Imprimir

ESTE SÁBADO TERÁ LUGAR A PENÚLTIMA PROBA DO CIRCUITO CORRE CON NÓS


8/5/2014 O Circuito será na zona do Barrio da Ponte e no entorno do Rio Miño

O XIV Circuito Corre Con Nós celebra a súa penúltima proba este sábado 10 de maio na zona da Feira de Exposicións de Lugo e na que se agarda reunir a preto de 1.200 corredores de todas as idades.

O circuito comeza coas carreiras para nenos e nenas dende as 17 horas con un trazado de 350 metros para os máis pequenos de cinco e seis anos. Ás 17.10 comeza a carreira de 1,6 kilómetros e por último ás 17.30 horas a dos nacidos entre 1999 e 2001 que terán que percorrer unha distancia de 1.850 metros,

A continuación comezará o circuito dos adultos que terá un percorrido de 5,8 kilómetros que combina terra e asfalto polo entorno do río Miño e que comezará ás 17.45 horas dende o Paseo Fluvial onde tamén se sitúa a liña de meta.