Cargando....
Concello de Lugo
28/03/24
NOVAS
Escoita esta páxina

Os servizos municipais estudan as alegaciones coas que Urbaser se defende do expedente aberto polo Concello de Lugo


# Mércores, 02/07/2014


Imaxe Asociada

O Voceiro do Goberno local e Concelleiro de Urbanismo e Medio Ambiente, Luis Álvarez, comunicou hoxe que o Concello de Lugo está estudar as alegaciones formuladas pola empresa Urbaser contra a apertura do expedente sancionador e de caducidade da concesión.

A concesionaria do servizo de limpeza e recollida de lixo presentou, o día 27, unha serie de alegacións nas que se defende do expedente que lle abriu o Concello de Lugo polo incumprimento dos servizos mínimos decretados con motivo da folga neste servizo.

“Como saben vostedes, nesa resolución se lle comunicou a apertura dun expedente sancionador por unha falta moi grave, que conleva unha sanción económica por importe de 6.000 a 30.000 euros e, por outra banda, o inicio do expedente de caducidade”, sinalou Luis Álvarez.

En resposta a esa comunicación, a empresa Urbaser presentou un escrito no que defende os seus intereses argumentando, literalmente, que “toda a plantilla se encontra en situación de absoluta rebeldía e desobediencia  total e que a lexislación española prohibe a contratación de novos empregados en período de folga” e, despois de facer un relato cronolóxico das distintas medidas que asegura ter adoptado para tentar o cumprimento dos servizos mínimos, para rematar as súas alegacións dicindo que “é necesario precisar que, se ben Urbaser ten coartada a súa capacidade de compeler ó plantel para o cumprimento dos servizos mínimos, está tentando garantir, por todos os medios posibles, a retirada de residuos daqueles puntos declarados en alerta sanitaria, como así o demostran os centos de toneladas de residuos que se recolleron dende o inicio da folga ata o día de hoxe “.

“O marco de actuación que ten o Concello é estritamente o establecido pola lexislación, como xa temos dito, polo que recurrimos a Tragsa para a retirada dos puntos que fixa Sanidade”, salientou Luis Álvarez e remarcou que “xa pasaron días dabondo para que as dúas partes se senten negociar e resolvan o conflito, do que somos perxudicados os veciños de Lugo”.

O Concelleiro de Urbanismo e Medio Ambiente tamén explicou que a diario estase retirando unha cantidade de lixo superior á que se recolle diariamente, xa que en situación normal a diario retíranse entre 90 e 100 toneladas e agora estanse recollendo, aproximadamente, de 120 a 130 toneladas ó día.  “Esto é importante para acabar coa cantidade de lixo que se foi acumulando durante os días nos que non houbo retirada”, explicou.

O Concelleiro de Urbanismo e Medio Ambiente destacou, asimesmo, que “o esforzo do Goberno municipal fai que, aínda que non estamos, nin de lonxe, nunha situación óptima,  o estado de Lugo non é, nin moito menos, o que tería unha cidade que leva 23 días sofrindo as consecuencias dunha folga na recollida do lixo”.
Escoitar audio:
Escoitar audio:


Compartir:
Facebook Del.icio.us My Yahoo Technorati Meneame Wikio
RSS                                      Plan Avanza,Abre fiestra nova Instituto de Crédito Oficial,Abre fiestra nova