Cargando....
Concello de Lugo
29/03/24
NOVAS
Escoita esta páxina

A Concelleira de Cultura presentou a programación de verán do Concello de Lugo que conta con máis de 60 actividades


# Xoves, 10/07/2014
Ademais das excursións do programa de Terras de Auga e Cultura  e do Lugo pedra a pedra  tamén haberá concertos e actividades para os mozos e mozas

Imaxe Asociada
A Concelleira de Cultura, Turismo, Xuventude e Promoción da Lingua, Carmen Basadre, presentou esta mañá as máis de 60 actividades que se van a levar a cabo durante este verán en Lugo.

Carmen Basadre destacou que “son actividades abertas e gratuitas e dirixidas para todos os públicos, dende os máis pequenos, ata familias ou maiores” e coas que “queremois dinamizar a cidade durante os meses de xullo, agosto e incluso algún día de setembro”.

Dentro das actividades enmarcadas na área de Cultura, Turismo, Xuventude e Promoción da Lingua vanse levar a cabo:

- Descubre as Terras da Auga e Cultura, excursións que se celebran todos os domingos e nos que se quere fomentar o turismo á zona rural a través de visitas guiadas. Unha das excursións máis destacadas será a do domingo 3 de agosto ao Corgo e á Festa do Río Chamoso. A esta súmase as actividades do programa Lugo pedra a pedra na que os participantes poderán descubrir a riqueza xeolóxica do concello.  Con actividades tanto para nenos e nenas como para adultos.

- O mes da ilustración para nenos e nenas. Celebrarase os mércores de xullo, 16, 23 e 30 ás 12:00 horas na Biblioteca Municipal. Nelas, os nenos e nenas levarán a cabo obradoiros de gravado, plastilina ou banda deseñada entre outros. Deberan inscribirse antes na Bibliteca Municipal.

- Músicas ao teu carón  recolle dezasete concertos de música de diferentes estilos  e que se farán nas prazas e parques da cidade. Tamén a Banda Municipal de Música actuará os xoves de xullo ás 19.30 horas en distintos parques da cidade e o día 25 na Praza Maior. Outro dos concertos destacados é o da Banda Artística de Merza o sábado 6 de setembro no paseo central do Parque Rosalía de Castro.

Tamén se desenvolverán actividades enmarcadas no programa Móvete con Nós  que levarán actividades de danza urbana e master class para os mozos e mozas ás prazas de Augas Férreas, do Castiñeiro, e da Fonte dos Ranchos, á Ponte Romana, á Praza Viana do Castelo e ao Parque da Milagrosa durantes os xoves de xullo e agosto.

Este verán tamén se vai a celebrar o Ciclo de Cine na Rúa no que se proxectarán diferentes películas de éxito en diferentes espazos da cidade a partir das 22.30 horas.

Tamén se vai desenvolver o día 16 de xullo, en colaboración co Fondo Galego de Cooperación, unha master class en fotografía social co especialista Gabriel Tizón na Casa da Xuventude ás 19 horas.


Compartir:
Facebook Del.icio.us My Yahoo Technorati Meneame Wikio
RSS                                      Plan Avanza,Abre fiestra nova Instituto de Crédito Oficial,Abre fiestra nova