Cargando....
Concello de Lugo
22/10/19
NOVAS
Escoita esta páxina

O luns comeza a Campaña de promoción do Xadrez "Ti que fas? Eu xogo ó xadrez", da que é imaxe Quique Setién


# Venres, 05/09/2014
As Concellerías de Educación e de Deportes colaboran con Xaquedrum na difusión deste deporte en Lugo

Imaxe Asociada Imaxe Asociada
Este ano a Escola deportiva municipal de Xadrez ofrece 200 prazas e o prazo de inscrición tamén se abrirá o luns


Os Concelleiros de Educación, Formación e Orientación Laboral, Esther Muñoz, e de Deportes, José Manuel Díaz Grandío, xunto con Pablo Castro Girona, da Asociación Cultural Xaquedrum deron a coñecer hoxe as iniciativas que se desenvolverán en Lugo, un ano máis, para a promoción do Xadrez no noso concello.
Esther Muñoz explicou que o vindeiro luns comezarán as actividades da Campaña Tí que fas? Eu xogo ó xadrez, que volverá ter como imaxe ó adestrador do CD Lugo, Quique Setién, e que ten como principal obxectivo promover o xadrez en Lugo.
Con esta campaña preténdese crear actividades alternativas para facilitar a conciliación da vida familiar e laboral e este tipo de iniciativas son importantes para a aprendizaxe dos nenos e nenas xa que poden aprender a xogar ao xadrez con monitores ou facer uso da biblioteca itinerante e ler libros. E o mesmo tempo, crear espazos onde os cativos poidan realizar actividades de ocio educativo en familia.
Estas actividades teñen moito éxito e cada vez son máis os nenos e nenas que se achegan a participar nelas. Ademais salientou que teñen un interese familiar para que pais, nais e nenos poidan compartir diferentes momentos de ocio dun xeito máis divertido.
Díaz Grandío, pola súa parte, destacou que a semana que vén abrirase o prazo de inscripción para as Escolas deportivas de Xadrez, que este ano contan con 200 prazas, o que demostra o interese que xa hai en Lugo pola práctica deste deporte e animou ós nenos e nenas a anotarse porque, lembrou o Concelleiro, esta actividade non é incompatible, nin moito menos, coa práctica de calquera outro deporte.
Pablo Castro, á súa vez, agradeceu o apoio das dúas concellerías na promoción do xadrez e anunciou que este ano virá a Lugo a facer a presentación da Escola deportiva o coñecido xornalista especializado en Xadrez Leontxo García.

Programación da campaña:

- Xaque na rúa e Baúl Viaxeiro

Desde o luns oito de septembro e durante todo o mes de setembro de luns a venres se levará a cabo o xadrez na praza Maior e ao mesmo tempo, instalarase o baúl viaxeiro para as persoas que queiran ler un libro. A actividade comezará ás 17 horas ata as 19:30 horas.

- Simultáneas de Quique Setién

Quique Setién xogara partidas de exhibición en la plaza mayor. E tamén Quique Setién xogará contra membros da Escola Luguesa de Xadrez Dvorak 2.0. equipo da primeira división galega. A simúltanea se fará na praza maior.

- V Torneo Cidade de Lugo

Do 19 ao 21 de Setembro organizarase a quinta edición do Torneo Cidade de Lugo, este torneo está dirixido a xogadores e xogadores con experiencia nas competicións oficiais. É un torneo válido para ranking internacional. Con máis de 2300 euros en premios.

- Xaque nas aulas

Un ano máis, farase a campaña nos colexios Xaque nas aulas, na que os monitores de Xaquedrum levarán o xadrez aos colexios da cidade durante o horario lectivo.

- Escola municipal de xadrez

Dende o día 8 de setembro ábrese o prazo para inscribirse na escola municipal de xadrez. Este ano haberá 200 prazas. Onde haberá grupos dende os catro anos e se volverá apostar por aumentar as clases de adultos, onde se fará un grupo para nais os venres de sete da tarde a oito e media dos vernes. Ao mesmo tempo, este ano como novidade, os pais e familiares poderán aprender a xogar o xadrez cos seus fillos.

- Conferencia de xadrez de Leontxo García

Con motivo da inauguración da Escola Municipal de Xadrez Leontxo García dará unha conferencia Viaxe polo fascinante mundo do xadrez, que terá lugar o día 26 de setembro.

Escoitar audio:
Escoitar audio:


Compartir:
Facebook Del.icio.us My Yahoo Technorati Meneame Wikio
RSS                                      Plan Avanza,Abre fiestra nova Instituto de Crédito Oficial,Abre fiestra nova