Cargando....
Concello de Lugo
28/11/21
NOVAS
Escoita esta páxina

Este martes celébrase unha xornada de tenis na rúa en varias pistas situadas na Praza Horta do Seminario


# Luns, 08/09/2014
Na xornada participarán algúns dos mellores xogadores do X Torneo Nacional de Tenis que se está a celebrar na cidade de Lugo

A Concellería de Deportes, que dirixe José Manuel Díaz Grandío, comunica que mañá martes celébrase unha xornada de tenis na rúa, das 17:00 ás 19:00 horas, na Praza Horta do Seminario.

Haberá varias pistas de tenis instaladas nesta praza, nas que se organizarán diversas actividades relacionadas con este deporte. Varios monitores de diferentes clubes e escolas de tenis da cidade serán os encargados de levar a cabo este evento.

Nestas actividades tamén participarán algúns dos mellores xogadores do X Torneo Nacional de Tenis, que se está a celebrar durante esta semana no Clube Fluvial de Lugo.

A xornada está organizada pola Federación Galega de Tenis en colaboración co Concello de Lugo. As actividades son gratuítas e están abertas á participación de nenos e nenas, así como de todas aquelas persoas que estean interesadas en participar.


Compartir:
Facebook Del.icio.us My Yahoo Technorati Meneame Wikio
RSS                                      Plan Avanza,Abre fiestra nova Instituto de Crédito Oficial,Abre fiestra nova