Cargando....
Concello de Lugo
21/01/21
NOVAS
Escoita esta páxina

Preto de 8.000 persoas beneficiáronse este verán dos prezos establecidos polo Concello e a Deputación nas piscinas dos Robles


# Luns, 22/09/2014
Ámbalas dúas institucións custearon con case 43.000 euros os prezos reducidos e os servizos de socorrismo, limpeza e seguridade

Imaxe Asociada
Preto de 8.000 persoas desfrutaron dos prezos reducidos que o Concello de Lugo e a Deputación Provincial ofreceron este verán nas piscinas dos Robles. Nos meses de xullo, agosto e nas primeiras semanas de setembro houbo unha media diaria de 100 persoas.

Xullo foi o mes de maior afluencia, con máis de 3.500 persoas, seguido de agosto, con outras 3.000. Nas primeiras semanas de setembro, foron 1.400 os veciños e veciñas que se beneficiaron dos prezos reducidos.  

A entrada custou a metade que en anos anteriores, situándose nun euro para menores de 6 anos e en 2,20 euros para adultos. Estas cantidades reducidas foron idénticas ás que se aplican nas piscinas cubertas de Frigsa. As piscinas dos Robles contaron con 3 socorristas, servizos de seguridade e limpeza. 

O Concello de Lugo e a Deputación Provincial custearon o conxunto destas medidas con case 43.000 euros co obxectivo de facilitar á cidadanía unha zona de baño na cidade.




Compartir:
Facebook Del.icio.us My Yahoo Technorati Meneame Wikio
RSS                                      Plan Avanza,Abre fiestra nova Instituto de Crédito Oficial,Abre fiestra nova