Cargando....
Concello de Lugo
05/12/20
NOVAS
Escoita esta páxina

O Concello colabora coa V Feira Outlet que organiza a Asociación de Autónomas de Lugo na Praza de Anxo Fernández Gómez


# Martes, 14/10/2014
Estará aberta os días 14, 15 e 16 de outubro de 11:00 a 14:00 e de 17:00 a 21:00 horas e nela participan 32 negocios da cidade con importantes descontos

Imaxe Asociada
A Concelleira de Economía, Emprendemento e Autónomos, Rosana Rielo, acompañada pola Deputada provincial de Deseño e Artesanía, Regina Polín, inauguraron este martes a V Feira Outlet. Esta feira está organizada pola Asociación de Autónomas en colaboración co Concello de Lugo, coa que se impulsan as vendas dos produtos de stock dos comercios da cidade grazas ás importantes rebaixas aplicadas.

A V Feira Outlet está situada nunha carpa na Praza de Anxo Fernández Gómez, detrás da Casa do Concello. A feira estará aberta dende hoxe ata o xoves 16 de outubro, en horario de 11:00 a 14:00 horas e de 17:00 a 21:00  horas.

Un total de 32 comerciantes lucenses estarán presentes nesta nova edición da Feira Outlet. Estes porán á venda centos de produtos variados de stock a prezos considerablemente reducidos, con descontos dun 50% a un 80%. Zapatería, téxtil, xoiería, lencería, fogar, pel, agasallos, peiteado, cosmética, deporte e accesorios de mascotas, serán as mercadorías que se poderán adquirir, moitas delas de destacadas marcas.


Compartir:
Facebook Del.icio.us My Yahoo Technorati Meneame Wikio
RSS                                      Plan Avanza,Abre fiestra nova Instituto de Crédito Oficial,Abre fiestra nova