A XII Carreira Lugo Monumental Gran Premio Divina Pastora Seguros terá lugar o domingo 21 de decembro

# Viernes, 05/12/2014
Trátase dunha carreira solidaria xa que unha porcentaxe do recaudado polas inscrición será donado á Fundación Taller de Solidaridade


O Concelleiro de Deportes, José Manuel Díaz Grandío, acompañado por, Carlos Carballo, de Seguros Divina Pastora, Luis Barrio, Director de Publicidade de El Progreso, Raúl Centelles, representante de Coca-Cola, Rafael Veiga de Diego coordinador da Fundación Taller de Solidaridade e Jenaro R. Saavedra Potente, xerente do Grupo L-Motor, presentaron a XII edición da carreira Lugo Monumental Gran Premio Divina Pastora Seguros que se vai celebrar o domingo 21 de decembro no centro de Lugo.

No acto de presentación tamén se fixo público que esta carreira será solidaria e parte do recadado pola inscrición será donado a Fundación Taller de Solidaridade para a reconstrución de 80 vivendas en Filipinas que se viron afectadas polo tifón durante o 2013.

Como na edición anterior o lugar de inicio da mesma será dende a Ronda da Muralla a altura da Mosqueira e o número máximo de inscritos segue sendo de 1.800 adultos. Neste sentido, o Concelleiro de Deportes, xa adiantou que “o prazo de inscrición xa está aberto e xa son máis de 800 os atletas inscritos o que indica a gran aceptación que ten entre a cidadanía”. Ao mesmo tempo celebrarase a partir das 11:00 horas, a segunda proba ol circuito CCNOS para menores que discurrirá por parte do trazado da carreira absoluta.

As inscripcións pódense facer por internet a través da web de www.championchipnorte.com  e o prazo estará aberto ata o día 16 de decembro e haberá distintos tramos de precios en función da data de inscrición, así entre o 3 e o 7 de decembro será de 3 euros, na semana do 8 ao 14 de decembro o prezo é de 5 euros e na semana do 15 e 16 de decembro será de 10 euros.

A saída terá lugar as 12:00 h na Ronda da Muralla na zona da Mosqueira fronte o monumento da conmemoración da designación da Muralla de Lugo como Patrimonio da Humanidade, e discorrerá polo seguinte percorrido cunha distancia aproximada de 10 km. Saída fronte á Mosquera na Ronda da Muralla na dirección da circulación discurrindo pola Ronda ata chegar á altura da rúa doTeatro xiro a esquerda e subida. Santo Domingo. Xiro a esquerda rúa da RaÍña-paso por LIÑA DE META-xiro a dereita baixando pola Praza Maior-xiro a esquerda por Bispo Aguirre a carón do Círculo das Artes e xiro á dereita cara a rúa Villalba enfilando recto ata a Avenida Ramón Ferreiro ata a altura da rúa Pintor Corredoira. Cambio de sentido de novo pola Avenida Ramón Ferreiro – xiro á dereita en dirección a Anxo López Pérez a en dirección á Ronda da Muralla discorrendo por ela ata a altura da Porta de Santiago, onde os corredores desviaranse cara á rúa Recatelo, rúa Ribadeo (meta voante El Progreso), rúa Xeral Tella, Praza de Avilés, xiro a dereita Dtor Portela ida e volta seguindo recto en dirección Avda Rodríguez Mourelo, xiro á dereita cara á avda. Ramón Ferreiro, xiro á esquerda (180º) á altura de Pintor Corredoira, para voltar pola avda. Ramón Ferreiro, rúa Anxo López Pérez, Praza da Constitución, Ronda da Muralla ata a altura da Porta de Santiago. Neste punto os corredores subirán ao adarve da Muralla pola rampa fronte á Catedral para xirar á esquerda e afrontar unha volta polo adarve da Muralla ata chegar de novo á rampa, onde os corredores baixarán cara á praza Pío XII, rúa Bo Xesús, praza Sta. María, Alférez Provisional, rúa do Colexio dos R.R.P.P. Franciscanos (praza Maior), e chegada á Meta situada ao carón da Casa do Concello.


Compartir: