A Concellería de Benestar Social e Igualdade, que dirixe Ana González Abelleira, lembra que nos vindeiros días celebraranse dous Bailes de Nadal, incluídos dentro da programación que organiza o departamento de animación sociocultural.

Terán lugar os domingos 28 de decembro e 4 de xaneiro no Mercado Municipal (rúa Quiroga Ballesteros, s/n). Darán comezo ás 18:00 e rematarán ás 20:00. O acceso aos bailes, que contarán con música en directo, é libre e gratuíto.