Cargando....
Concello de Lugo
20/11/19
NOVAS
Escoita esta páxina

O Concello reunirase coa Xunta o 3 de marzo para desbloquear a aprobación da totalidade do PXOM


# Venres, 20/02/2015
Na xuntanza participarán técnicos das dúas administracións e os grupos da oposición municipal

 O Alcalde de Lugo, José López Orozco, solicitou unha xuntanza á Xunta de Galicia para desbloquear a aprobación do 5% do Plan Xeral de Ordenación Municipal pendente de aprobación definitiva polo Goberno galego. 

Tal como decidiu a Corporación municipal na reunión celebrada a semana pasada, o Alcalde solicitou unha xuntanza coa Consellería de Medio Ambiente, Infraestruturas e Territorio, que foi concertada para o día 3 de marzo, na Casa do Concello.

Na reunión participarán o Alcalde, o Concelleiro de Urbanismo e Medio Ambiente, Luis Álvarez; a Secretaria Xeral de Ordenación do Territorio e Urbanismo, Encarnación Rivas; técnicos das dúas administracións e un representante de cada un dos grupos da oposición municipal.

A solicitude desta xuntanza decidiuse nunha reunión que celebrou o Goberno local coa oposición na que os responsables técnicos de distintos servizos municipais explicaron  
que as condicións postas ó Concello de Lugo para a aprobación da parte pendente do PXOM inclúen aspectos que supoñen unha revision encuberta por parte da Consellería de Medio Ambiente, Infraestruturas e Territorio dun acordo anterior, xa que hai zonas que en principio se consideraban aprobadas sobre as que a nova Orde e sobre as que se provocou incertidume. 

A esas dúbidas, tal e como aclararon os técnicos municipais, e como asumiu dende o principio o Goberno local, únese a circunstancia de que a competencia sobre a delimitación de cauces non é municipal senón doutra administración, que é a Confederación Hidrográfica do Miño-Sil. 

Nesa xuntanza, o Voceiro do Grupo popular asumiu por primeira vez as teses defendidas reiteradamente polo Goberno local xa que manifestou que él é partidario de “ter unha reunión apoiando as propostas dos técnicos municipais”.

De feito, os técnicos municipais salientan a paradoxa de que se pretende impoñer ó Concello de Lugo a obriga de elaborar uns estudos pero éstes non poden ter validez ningunha sen que lles dea a súa aprobación precisamente a Confederación Hidrográfica do Miño-Sil.

Ademais, as exixencias que se lle fan ó Concello de Lugo supoñen que a Administración local tería que asumir un gasto inxustificado e tamén moi cuantioso, xa que un informe do departamento de Topografía da USC avalía en 560.000 euros, sen IVE, o custe de facer a cartografía que se lle pide ó Concello de Lugo, que, por certo é dunha precisión moi superior a do PXOM, xa que é a escala 1:2.000 mentres que o PXOM está en escala 1:5.000.



Compartir:
Facebook Del.icio.us My Yahoo Technorati Meneame Wikio
RSS                                      Plan Avanza,Abre fiestra nova Instituto de Crédito Oficial,Abre fiestra nova