Cargando....
Concello de Lugo
22/10/19
NOVAS
Escoita esta páxina

O Concello de Lugo convoca 238 prazas para as escolas infantis municipais para o próximo curso e polas que xa pasaron preto de 2.000 nenos e nenas


# Luns, 02/03/2015
O prazo de inscrición tanto para novas prazas como para renovacións comeza esta semana despois da publicación no BOP

Imaxe Asociada
O Alcalde de Lugo, José López Orozco, e a Concelleira de Educación, Formación e Orientación Laboral, Esther Muñóz, anunciaron esta mañá as novas prazas vacantes para as escolas municipais infantis de cara o curso 2015-2016.

López Orozco sinalou que “estas escolas son unha aposta firme deste Goberno para dar un servizo aos veciños e veciñas de Lugo ademais de que xa pasaron por elas preto de 2.000 nenos e nenas de entre 0 e 3 anos”. Neste sentido, o Concello decidiu apostar por prestar o servizo das escolas infantis ao entender que son un servizo social básico para a conciliación da vida familiar e laboral ademais de que cumple unha función social que permite ás familias con menos ingresos poder acceder a unha praza de infantil cun coste reducido.

Pola súa parte, Esther Muñóz explicou que “para o novo curso hai un total de 238 prazas das que 142 son para novas adxudicacións e 84 para matrículas anteriores ademais de que sempre quedan 12 prazas para emerxencias sociais”. Ademais de que informou que “agardamos que saia publicado no BOP mañá martes 3 de marzo polo que o prazo de solicitudes abrirase o mércores 4 e remata en 20 días naturais.”

Así, na escola de Serra de Outes ofértanse 37 prazas de novo acceso, outras 21 están reservadas para nenas e nenos xa matriculados no presente curso 2014/2015, e 3 prazas para emerxencia social.
 
En canto á escola Gregorio Sanz ten 37 prazas de novo acceso, 21 prazas reservadas para alumnas e alumnos xa matriculados, e 3 prazas quedan reservadas para emerxencia social.

No caso da escola Luis Souto Menor (San Fiz) o número de prazas de novo acceso son 37, o de reservadas para alumnas e alumnos xa matriculados son 21 prazas, e 3 quedan reservadas para emerxencia social.

Na escola infantil da Piringalla, ofértanse 31 de novo acceso, 21 prazas reservadas para alumnas e alumnos xa matriculados, e 3 quedan reservadas para emerxencia social.

Para solicitar praza por primeira vez será necesario cumplimentar os impresos e acompañalos da documentación solicitada para entregar no Rexistro do Concello.
Poderán informarse deste proceso nas propias escolas infantís, no portal web do Concello www.lugo.es  ou chamando ao número de atención ao cidadán 010.


Compartir:
Facebook Del.icio.us My Yahoo Technorati Meneame Wikio
RSS                                      Plan Avanza,Abre fiestra nova Instituto de Crédito Oficial,Abre fiestra nova