A Concelleira de Cultura, Turismo, Xuventude e Promoción da Lingua, Carmen Basadre, amosoulles hoxe as obras de construcción do Centro cultural do Vello Cárcere a representantes das asociacións de teatro de Lugo.

Carmen Basadre acompañou ós representantes dos grupos teatrais da cidade nunha visita para que coñezan as novas instalacións culturais das que vai dispoñer o Concello no centro da cidade e que, entre outros usos, servirán para poñer en escea espectáculos de teatro.

A Concelleira de Cultura, xunto cos arquitectos e a directora da oficina do Plan Urban amosáronlles as obras do Centro cultural do Vello Cárcere a representantes de Achádego, Matapiollos, Palimoco, Hipócrita Teatro, Nova escena, Microefectos dramatúrxicos, Pinchacarneiro e Anade.

As obras de transformación do Vello Cárcere nun Centro cultural é un dos investimentos que está a realizar o Concello con cargo ó Plan Urban, que cofinancia nun 80% a Unión Eurepea a través dos fondos FEDER, e tamén conta con achegas da Deputación provincial e do Concello de Lugo.