Área de Xestión Integral de Recursos Internos

Actualidade

O centro municipal de información europea, Europe Direct Lugo, convoca o XI Concurso de Fotografía Cidadanía Europea en Galicia
Martes, 12 de marzo de 2024

O certame, organizado conxuntamente co Europe Direct da Coruña, celebra a súa décimo primeira edición baixo o lema “Europa preto de ti”.

Para participar as fotos deben enviarse ao correo cidadaniaeuropeaengalicia@gmail.com dende onde serán subidas automaticamente á páxina de Facebook do concurso.

Cada centro fará entrega de dous premios, cun total de 4 premios individuais a repartir: os gañadores recibirán unha cámara de fotos e os segundos clasificados unha tablet.

A alcaldesa Paula Alvarellos anuncia o inicio inmediato dun proceso de regularización das terrazas de hostalaría
Martes, 12 de marzo de 2024

A mandataria asinará un Bando habilitando o prazo dun mes para legalizar aquelas que son autorizables e retirar as que ocupan zonas de carga e descarga e prazas de estacionamento.

A rexedora comunicoullo esta mañá ao sector co que tamén se reunirá proximamente para abordar a nova Ordenanza municipal que rexerá a colocación destas instalacións.

“Cando dispoñamos do borrador definitivo, iniciaremos un traballo conxunto para que acheguen as súas propostas e melloren un documento que será estratéxico para a ordenación e a estética da cidade”, afirmou Alvarellos Fondo.

Luns, 11 de marzo de 2024

A área de Participación colabora coa Unión de Consumidores de Galicia na organización desta actividade, que terá lugar o vindeiro martes 12 a partir das 20:00

Cristina López: "achegamos información de interese para centos de veciñas e veciños de Lugo, que están en disposición de reclamar os gastos relacionados coa formalización da súa hipoteca".

Venres, 08 de marzo de 2024

A alcaldesa e o presidente do ente provincial solicitaron á Asociación a relación dos equipamentos que precisan con maior urxencia, así como o seu custo para formalizar a colaboración.

Paula Alvarellos lembrou que, paralelamente a estas achegas económicas, a Administración local impulsa a construción dun novo refuxio con capacidade para acoller en torno a 200 animais en condicións óptimas de estancia.

José Tomé incidiu en que a institución provincial aportou á Protectora 200.000€ dende que é Presidente e tenlle cedido gratuitamente os terreos nos que están as instalacións, propiedade da asociación, ademais de ratificar o “compromiso de colaborar coa nova instalación pública para o refuxio dos animais que impulse o Concello de Lugo”.