-
Alcaldía
-
-
Concellerías
-
Concello
-
Centros Municipais
-
Ordenanzas Municipais
-
Órganos Municipais
-
Protocolo
ACTUALIDADE
Escoita esta páxina
Enviar a un Amigo
ImprimirO ALCALDE DE LUGO ANUNCIA A POSTA EN MARCHA DUNHA CAMPAÑA INFORMATIVA COA QUE ACHEGAR A ACCIÓN DO GOBERNO LOCAL AOS CIDADÁNS
12/11/2009 * Baixo o lema O Goberno de Lugo Contigo o Executivo Local informará aos barrios e a zona rural sobre os investimentos e melloras que se están a levar a cabo na cidade
* Preténdese que a cidadanía coñeza os proxectos nos que traballa o Goberno e que trasladen as súas suxestións e inquedanzas en relación coa cidade
O Alcalde de Lugo, José López Orozco, anunciou esta mañá a posta en marcha dunha campaña informativa que ten por obxectivo achegar a acción do Goberno Local aos cidadáns. Baixo o lema O Goberno de Lugo Contigo, o Executivo Local trasladarase a todos os centros de convivencia, colexios e escolas rurais co obxectivo de dar conta dos proxectos no que traballa o Equipo de Goberno, así como os investimentos realizados ata o de agora e aqueles programados para os próximos meses.
José López Orozco compareceu acompañado pola Concelleira de Benestar Social e Igualdade, Carmen Basadre, e polo Concelleiro de Infraestruturas, José Piñeiro. Na súa intervención explicou que se informará a todos os cidadáns sobre as novas tarifas da auga, as taxas, moitas das cales se conxelan por terceiro ano consecutivo, así como dos orzamentos do próximo exercicio e dos investimentos do FEIL para 2010.
A campaña informativa na que participará o Alcalde e os Concelleiros comezará o vindeiro día 17 no Centro de Convivencia Díaz Castro e de aí trasladarase aos 17 centros de convivencia da cidade. Desde o Equipo de Goberno informarase nas propias vivendas das convocatorias co fin de que participe o maior número posible de veciños e veciñas.
Tal e como expuxo López Orozco, “o Concello de Lugo ten o despacho na rúa, polo que seguiremos dando conta das melloras realizadas nos barrios e nas parroquias mellorando a calidade de vida dos cidadáns, con independencia do lugar no que vivan”.
Con esta acción o Concello pretende tomarlle o pulso á cidade e informar a todos os veciños de Lugo da xestión do Goberno. Neste sentido, convoca aos cidadáns a participar nas reunións que se desenvolverán primeiro na zona urbana e posteriormente no rural.
