| Presentación da Concelleira |

Esta web nace como a culminación do arduo traballo realizado dende hai uns anos polo Servizo Municipal de Prevención de Drogodependencias. O seu labor diario, de achegamento, de educación e de concienciación á mocidade, queda plasmado nesta páxina.

No coñecemento está a maior parte da prevención. Esta web ofrece todo tipo de información sobre as distintas drogas que os máis novos poden atopar nas rúas, as consecuencias que ten o seu consumo, os problemas que ocasiona e todo tipo de cuestións destinadas a espertar o interese dos rapaces e rapazas desta cidade.

Pero non quixemos presentar unha páxina chea só de contidos, ofrecemos un lugar onde a información xoga un papel importante, pero na que os rapaces e rapazas poden disfrutar desta web obtendo un beneficio engadido. Xogos, enquisas, un foro, enlaces e un contacto directo co Servizo garanten un resultado exitoso.

Queremos que a mocidade tome unha verdadeira conciencia deste problema e queremos que o faga dun xeito ameno, que se sinta respaldada por un equipo de profesionais do que poderá obter consello e apoio. Esta páxina non só está destinada ós máis novos, tamén está orientada a todos aqueles colectivos que queren participar na prevención contra as drogodependencias, como pais e educadores, e que son imprescindibles nesta loita na que todos debemos participar.