Inicio
facebook twitter tuenti
Concello de Lugo Injuve
Radares Xuvenis
-
Este venres darán comezo as novas actividades do trimestre do programa de ocio xuvenil alternativo MAX
A Concelleira de Xuventude presentou a nova programación do trimestre do programa MAX, que dará comezo este venres

A Movida Alternativa Xuvenil é programa de ocio alternativo que organiza o Concello e que se celebra os fins de semana na Casa da Música, a piscina das Pedreiras e o Polideportivo da Piringalla

A inauguración do trimestre contará cun concerto a cargo dos grupos lucenses JPA, Ripper Ground e Mythical Fail

A Concelleira de Xuventude, Rosana Rielo, presentou hoxe a nova programación de actividades previstas para o vindeiro trimestre do programa MAX (Movida Alternativa Xuvenil), que dará comezo este venres día 14 de xaneiro e rematará o 16 de abril.

Debido ao grande éxito de moitas das actividades ofrecidas por este programa de ocio xuvenil, a Concelleira de Xuventude sinalou que moitas terán continuidade, se ben haberá algunha que outra novidade, como o concerto de inauguración que terá lugar mañá na Casa da Música.

Actividades MAX

Actividades dos venres

21.30h – 23.00h Cociña para todos/as (Casa da Música)

23.00h – 00.30h Patinaxe-Xoquei en liña (Polideportivo de A Piringalla) HL Lugo

23.00h – 00.30h Street Dance (Casa da Música)


Actividades dos sábados

18.30h – 19.30h Ximnasia na auga (Piscina das Pedreiras)

19.45h – 20.45h Ioga (Piscina das Pedreiras)

20.30h - 21.30h Tenis de mesa (Parque da Milagrosa) CD Dez Portas

21.30h – 23.00h Tiro con Arco (Galería do parque da Milagrosa) CD Lucus Augusti

21.30h – 23.00h Danza do ventre-danza oriental (Casa da Música)

23.00h – 00.30h Bailes latinos (Casa da Música)

Os venres e sábados de 17.00 a 00.30 horas e tódolos días da semana de 17.00 a 22.00 horas a Casa da Música ofrece a posibilidade de xogar coa Wii, con xogos de enxeño, con plataformas de baile, billar, ping-pong, internet... Todas as actividades son gratuítas e de entrada libre.


Concerto de inauguración

Como novidade desta programación trimestral, a Concelleira de Xuventude destacou que este venres día 14 de xaneiro, celebrarase a partires das 19.30 horas na Casa da Música un concerto a cargo dos grupos lucenses JPA, Ripper Ground e Mythical Fail, todos eles usuarios da Casa da Música. Ademais, as 23.00 horas haberá unha exhibición e Master Class que impartirá o lucense Rubén Hamade (Ángeles Breakers).

Mythical Fail

Unha banda lucense de rock alternativo e de recente creación (comezaron os ensaios na Casa da Música o 2 de decembro) pero con moitas ganas de participar neste concerto de inauguración das actividades trimestrais do MAX.
Os compoñentes deste grupo son Cobas a guitarra rítmica, Juanolas o baixo, Robert a batería, Javi como guitarra solistas e as voces de Nano e Antonella.

Ripper Ground

Ripper Ground fórmase en decembro do ano 2009. Tras algunhas variacións na súa formación, consolídase con tres membros: Javi López como guitarra, solista e cantante, Bruno Pardo como guitarra rítmica e coros e Samu Arias na batería. O grupo lucense xa ofreceu numerosos concertos, e o vindeiro mes de marzo teñen previsto actuar nas festas de San José de As Gándaras. As súas influencias máis notables son Rosendo e o grupo Los Suaves, por iso é polo que o seu estilo estea basado no Rock dos 80's 90's.

aRo

O grupo lucense aRo nace como un xeito de esparcemento dos seus integrantes. aRo creouse a principios do ano 2009, e ofrecen unha música podería definirse como Rock, Blues e Fanky. Os seus integrantes son: José Antonio García (Batería e Voces), Francisco Suarez (Guitarra e Voces) e Agustín Cabado(Baixo e Voz). Durante estes dous anos de ensaios, aRo actuou en dúas Jam Session no Clavicémbalo de Lugo e outras dúas actuacións na Casa da Música.

Concellería de Xuventude Injuve