07/10/2011

Óscar Pásaro vai a estar presente no cumio da Semana Europea da PEME, presentando a súa empresa compas.net.

Oscar foi un de 750 participantes seleccionados entre PEME´s, emprendedores, organizacións empresariais e organismos rexionais e nacionais de toda Europa, os cales son invitados a participar neste cumio que se celebra en Bruselas os días 6 e 7 de outubro. Este evento está incluído dentro da Semana Europea da PEME que se celebra en toda Europa entre o 3 e o 9 de outubro de 2011 organizada pola Comisión Europea.

O cumio celebrará as jornadas de apertura e de peche no Hemiciclo Parlamentario e 10 obradoiros paralelos tratarán a súa vez 10 temas relacionados coa empresa (financiación, innovación,eficiencia enerxética e medioambiente, mulleres empresarias, etc.).

Na foto recóllese o momento no que recibe o seu certificado como participante no programa Eurotroco, aproveitando este momento para comentar que a súa intención era empregar esta oportunidade en Bruselas para buscar financiación e novos clientes para a súa empresa Conpas.net.  A devandita empresa é distribuidora oficial de Google Apps e Zoho, ofrecendo ademáis servizos de consultoría informática, formación, desenvolvemento de aplicacións, campañas de marketing e servizos de soporte e mantemento.