A Concelleira de Educación participa na clausura dun curso de técnicas de intervención policial
04/02/2013
O Concello colaborou co Sindicato Unificado de Policía na organización deste curso que se impartiu en dependencias municipais.
A Concelleira de Educación, Formación e Orientación Laboral, Esther Muñoz, participou o pasado xoves no acto de clausura do curso sobre técnicas de intervención policial organizado polo Sindicato Unificado de Policías coa colaboración do Concello.
O curso, dirixido a integrantes da Policía Local, tivo lugar en dependencias municipais. As clases teóricas impartíronse nunha aula cedida polo Espazo>lab mentres que as sesións prácticas tiveron lugar no parque de Bombeiros.
O curso desenvolveuse en horario de mañá entre o 29 e o 31 de xaneiro e contou coa participación de sesenta persoas.
No acto de clausura tomaron parte, ademais da Concelleira de Educación, o representante do SUP en Galicia, José Freire; o Xefe Superior de Policía de Galicia, Jaime Iglesias, o Comisario provincial, Manuel Teijeiro, e o Subdelegado do Goberno, Ramón Carballo.
Como mostra de agradecemento pola colaboración do Concello, o Sindicato Unificado de Policía entregoulle a Esther Muñoz unha placa conmemorativa.
Cooperación