10/04/2013
O Concurso, a través do Programa da USC UNIEMPRENDE, ten por obxectivo impulsar a creación de empresas innovadoras promovidas por estudantes, licenciados e licenciadas ou investigadores e investigadoras, así como a innovacion empresarial e a xeración de emprego.
A Universidade de Santiago de Compostela, a través do seu programa de creación de empresas UNIEMPRENDE, convoca o XIII Concurso de Proxectos Empresariais Innovadores co fin de premiar a emprendedores e emprendedoras que presenten proxectos de empresa innovadores.
O concurso vai dirixido a estudantes e titulados e tituladas de calquera das universidades galegas e dos centros asociados da UNED en Galicia, Doutores e doutoras, doutorandos e doutorandas, persoal de investigación, tesinandos e tesinandas, alumnos e alumnas de terceiro ciclo e empresas xa constituídas o longo do ano 2012 e 2013, ou que prevean constituirse durante o ano 2013, por promotores e promotoras co perfil descrito.
Concederanse premios nas categorías:
-PREMIO DE BASE TECNOLÓXICA: 2.000 € + ata 24.000 € de financiamento mediante préstamo participativo.
-PREMIO EMPRESA XOVE: 2.000 €
-PREMIO MULLER EMPRENDEDORA: 2.000 €
A documentación deberá presentarse directamente na sede de UNIEMPRENDE (edificio Emprendia) ou enviando por correo certificado. O prazo de presentación estará aberto dende o 15 de marzo ata o 30 de abril de 2013 ás 14:00 horas.
Mais información.
Compartir: