O Concello de Lugo organiza diversos actos para conmemorar o Día de Europa
07/05/2013
Comezarán ás 12.30 horas na Praza Maior cun acto institucional e a lectura dun manifesto.
A Concellería de Educación, Formación e Orientación Laboral, un ano máis, organiza os actos para festexar o Día de Europa que terán lugar este xoves 9 de maio na Praza Maior.
Os actos, organizados polo Centro de Información Europea do Concello de Lugo, comezarán ás 12.30 cun acto institucional e a lectura do manifesto conmemorativo do Día de Europa que este ano se celebra baixo o lema Trátase de Europa, trátase de ti.
Con motivo desta conmemoración tamén se instalará unha mesa informativa e haberá xogos, obradoiros de chapas e debuxo, entre outras actividades para os pequenos en horario de mañá de 12.30 a 14.30, e pola tarde de 17 a 21 horas.
