Inicio cursos AFD no Espazo Lab. Accións formativas dirixidas prioritariamente a traballadores e traballadoras desempregados/as
01/07/2013
O Centro de Orientación Laboral do Concello de Lugo acolle a realización de dúas accións formativas que a Concellería de Educación, Formación e Orientación Laboral organizou dentro do plan AFD (Accións formativas dirixidas prioritariamente a traballadores e traballadoras desempregados/as) e no que participan un total de 30 persoas en situación de desemprego.
Estas accións formativas contan coa financiación ao 100% do Fondo Social Europeo a través da Consellería de Traballo e Benestar da Xunta de Galicia, e o obxectivo é instruír ás persoas participantes no sector da atención sociosanitaria a persoas no domicilio, outorgándose ó remate das mesmas, o certificado de profesionalidade correspondente á especialidade.
