III Semana Europea do Emprego
09/11/2013
O Concello de Lugo organiza por terceiro ano consecutivo catro obradoiros para a busca activa de emprego.
Esther Muñóz explicou que se celebran entre os días 25 e 28 de novembro e a participación será por rigorosa orde de inscrición que se poderá facer entre os días 11 e 20.
A Concelleira de Educación, Formación e Orientación Laboral, Esther Muñóz, presentou catro obradoiros de busca activa de emprego que se van celebrar nas instalacións do Espazo>Lab entre os días 25 e 28 de novembro.
Segundo explicou Esther Muñóz, estes obradoiros gratuítos están enmarcados na terceira edición da Semana Europea polo Emprego que organiza o Centro de Información Europea Europe Direct-Lugo, e que veñen desenvolvéndose dende o ano 2011 con gran éxito de participación. “Están dirixidos a persoas en situación de desemprego e plantexámolo como unha ferramenta para que as persoas nesta situación poidan acometer a busca de traballo en mellores condicións” indicou Muñóz.
Os obradoiros serán o día 25 de novembro en horario de 09.30 a 13,30 horas baixo o título Marca persoal e busca activa de emprego nos medios sociais. A rede Eures, o portal de emprego de Europa e que conta con 75 prazas. O día 26, entre as 10 e as 12.20 horas, un técnico especialista explicará cales son As regras de ouro para preparar un curriculum vitae atractivo, no que haberá 25 prazas.
O mércores 27 de novembro ás 10.00 horas comezará o obradoiro sobre Como afrontar con éxito unha entrevista de traballo que rematará ás 12:30 horas e, finalmente, o xoves 28 entre as 10 e as 12.30 horas levarase a cabo o obradoiro Perder o medo ás probas de selección (dinámicas, tests e outras probas de coñecemento).
O prazo de inscrición para participar nos obradoiros estará aberto dende o luns 11 ata o mércores 20 de novembro e os participantes serán seleccionados por rigorosa orde de inscrición. Os interesados deberán presentar no rexistro do Concello unha ficha de solicitude que se pode descargar nas web www.lugo.es/espazolab, e www.lugo.es/europedirect ou na oficina de atención ao cidadán do Concello.
Cooperación