Valenciano e Díaz de Mera piden resposta global a fluxos de migrantes
05/04/2017
Os eurodeputados Elena Valenciano e Agustín Díaz de Mera (de esquerda a dereita) contáronnos como facer fronte aos fluxos migratorios.
En 2015, 244 millóns de persoas vivían nun país distinto do que naceran no mundo, entre elas, máis de 20 millóns de refuxiados, que abandonaron o seu fogar para fuxir de conflitos ou violacións dos Dereitos Humanos.
Os eurodeputados Elena Valenciano e Agustín Díaz de Mera explican nunha entrevista que os fluxos migratorios son unha responsabilidade global que esixe unha resposta global. O pleno vota o 5 de abril un informe sobre como abordar a situación.
"A curto prazo necesitamos aceptar plenamente as nosas responsabilidades e proporcionar a resposta humanitaria que esta crise (de refuxiados) require?, sinala a socialdemócrata española Elena Valenciano. A eurodeputada incide, con todo, en que para lograr unha ?solución real? debemos abordar as complexas e numerosas causas que están detrás destes fluxos como os conflitos, a pobreza extrema e o cambio climático.
O popular español Agustín Díaz de Mera, pola súa banda, subliña que ?a resposta ten que ser global?. ?Temos que traballar xuntos", engade.
O informe parlamentario sobre a xestión dos fluxos de migrantes e refuxiados avoga porque a Cámara participe na conclusión e aplicación de "pactos migratorios" con terceiros países e nunha verdadeira política migratoria europea común baseada nos dereitos humanos e a solidariedade, non só nun enfoque baseado na seguridade.
"Non podemos limitar a discusión aos controis fronteirizos. Temos que falar tamén dunha mellor distribución das responsabilidades ", afirma Díaz de Mera.
Campaña ?Xuntos? da ONU
O informe apoia tamén a campaña da ONU "Xuntos" para combater a percepción negativa dos refuxiados e os migrantes. Aínda que os migrantes e os refuxiados contribuíron ao desenvolvemento socioeconómico das sociedades ao longo dos séculos, como subliña o informe, tamén se enfrontan a unha crecente resistencia e a unha oposición cada vez máis dura nalgúns países.
"A migración é parte da riqueza potencial de moitas das sociedades que agora dan as costas a este fenómeno", di Díaz de Mera.
"Necesitamos cambiar a narrativa negativa actual sobre a migración, que non debe ser vista como unha ameaza, senón como un fenómeno natural e, de feito, necesario en Europa?, continúa.
O eurodeputado fai fincapé en que respecto dos refuxiados ?non só temos unha obrigación moral, senón unha obrigación legal con eles?.
Teñen dereito a ser protexidos. Todas as forzas políticas democráticas en Europa necesitan redobrar os seus esforzos para explicar isto aos nosos cidadáns, se queremos deter o moi perigoso discurso xenófobo e anti-inmigración no ascenso en moitos dos nosos países?, recalca Valenciano.
O informe parlamentario será debatido o 4 de abril e sometido a voto no pleno ao día seguinte.
