Excelentes augas de baño na Unión Europea

11/08/2017

A Axencia Europea de Medio Ambiente (AEMA), asegura que máis do 85% dos sitios de baño vixiados en Europa en 2016 poden considerarse "excelentes".

A UE analiza regularmente a calidade das zonas de baño para que todos podamos saber cales son a de máis calidade en Europa

A etiqueta de "excelente" significa que as augas estaban libres de contaminantes prexudiciais para a saúde humana e o medio ambiente.

Máis do 96% dos lugares de baño cumprían os requisitos mínimos de calidade establecidos nas normas da Unión Europea.

Luxemburgo, Chipre, Malta, Grecia e Austria son os países co maior número de lugares de baño con calidade de auga "excelente".

En España, a porcentaxe de augas de baño de calidade "boa" ou "excelente" alcanza o 93%.