Convocatoria Axudas Injuve para a Creación Xuventude 2018
02/07/2018
Estas axudas están destinadas a mozos creadores dun máximo de 30 ou 35 anos de idade para proxectos a desenvolver durante o ano 2019 en ámbitos como as artes visuais, escénicas, musicais, literarias, deseño, cómic e ilustración.
Os proxectos presentados deben de incluírse nunha destas catro liñas de actuación:
- Produción de obra, con liberdade de formato e técnica (18 a 30 anos), ata 3.500 €.
- Mobilidade de obra producida e/ou mobilidade de creadores en espazos especializados, xiras ou residencia (non estudos regrados) en ámbito nacional e internacional (18 a 30 anos), ata 3.500 €.
- Emprendemento para a creación nova, en e para espazos emerxentes de creación nova, acoutados no tempo, que non signifiquen unha programación anual completa, en ámbito nacional ou internacional (18 a 35 anos), ata 7.000 €.
- Sala Amadís do Instituto da Mocidade: comisariado de exposicións, talleres ou outras actividades de creación emerxente a desenvolver en grupo ou colectivo (18 a 35 anos), ata 7.000 €
Quen pode solicitar as Axudas?
Persoas físicas e xurídicas, de nacionalidade española, e todas aquelas con residencia legal en España, que teñan entre 18 e 30 ou 35 anos de idade, segundo sexa o obxecto da axuda.
Cando se trate de proxectos nos que participen máis dunha persoa, o requisito de idade esixirase a todos os beneficiarios. No caso de grupos musicais e compañías de artes escénicas, o requisito de idade esixirase tanto á dirección artística como ao cadro de interpretación artística.
Cando se trate de persoas xurídicas, o requisito de idade esixirase ás persoas físicas que figuren como representantes nos seus órganos directivos no ano da convocatoria.
Prazos e forma de presentación das solicitudes
- A través do Rexistro electrónico do Ministerio de Sanidade, Servizos Sociais e Igualdade. Formularios do Instituto da Xuventude: Formulario persoas (físicas e xurídicas) e Formulario Agrupacións.
- A través dos modelos de solicitude que poden descargarse a continuación e que deben dirixirse á Dirección Xeral do Instituto da Mocidade polos medios que se especifican na Resolución desta convocatoria.
- Prazo de presentación: do 12 de xuño ao 9 de xullo de 2018
As persoas xurídicas, as entidades sen personalidade xurídica e as persoas físicas que estean incluídas nas circunstancias indicadas no art 14.2 da Lei 39/2015 do 1 de outubro están obrigadas a presentar a solicitude a través de medios electrónicos, é dicir por medio do Rexistro telemático do Ministerio de Sanidade, Servizos Sociais e Igualdade.
Sempre que sexa posible animámosvos a presentar as solicitudes pola Sede electrónica do Ministerio, con certificado dixital ou cl@ve. Para asinar a documentación recoméndase o uso do programa Autofirma, podedes descargalo no voso equipo e asinar e preparar a documentación con antelación á presentación.
Na Sede electrónica existe outro formulario para poder achegar documentación adicional.
Esta convocatoria estará aberta desde o 12 de xuño ao 9 de xullo.
