"Máis democracia en Europa"
19/07/2018
Cara a onde queres que vaia Europa no futuro? Sentes que estás a participar nas decisións europeas?
A plataforma dixital, "Máis democracia en Europa", aberta á participación da cidadanía, ofréceche a oportunidade de propoñer ideas para conseguir que a Unión Europea responda as nosas preocupacións; unha Europa máis democrática, máis participativa, menos desigual, máis accesible, máis solidaria, máis sustentable.
Que é "Máis democracia en Europa"?
A plataforma dixital Máis Democracia en Europa é o primeiro paso dun proceso de democracia participativa e deliberativa dirixido a realizar e valorar propostas para lograr unha Europa máis democrática, unha Europa na que os cidadáns e cidadás estean máis preto da toma de decisións. Trátase de propoñer ideas e reformas para lograr unha maior conexión entre a cidadanía e as institucións europeas, nun momento no que existe unha “crise de identidade europea”. Esta iniciativa forma parte das "consultas cidadás sobre o futuro de Europa" que están a se levar a cabo no noso país e nos demais países da Unión Europea ata o próximo outono.
A propostas que se realicen a través desta plataforma incluiranse nun documento que reflicta as conversacións e o debate xurdidos da participación cidadá.
O documento de propostas farase chegar ao Goberno e a todos os grupos parlamentarios. Os xefes de Estado e de goberno europeos teñen previsto discutir os procesos de consultas cidadás durante a reunióndel Consello Europeo de decembro deste ano. As institucións europeas poderán despois considerar estas e outras propostas para lograr que Europa estea máis preto dos cidadáns e cidadás e responda as súas inquietudes.
Máis democracia en Europa é unha iniciativa de esglobal, en colaboración coa oficina española do European Council of Foreign Relations ( ECFR), no marco do programa Falamos de Europa da Secretaría de Estado para a Unión Europea do Ministerio de Asuntos Exteriores, Unión Europea e Cooperación.
Máis democracia en Europa conta con subvencion da Secretaría de Estado para a Unión Europea, para a realización de accións de comunicación e actividades divulgativas sobre asuntos relacionados coas competencias da Secretaría de Estado, correspondentes ao exercicio 2018
Fonte: Hablamos de Europa
