21/09/2018
O Parlamento apoia simplificar e axilizar os procedementos administrativos máis comúns na UE
O pleno do Parlamento Europeo deu o seu visto e prace, o 13 de setembro en Estrasburgo, ao novo portal dixital único, un sistema novo co que a UE facilitará o contacto entre os cidadáns europeos e as administracións públicas.
Xestións como a solicitude dun certificado de nacemento ou un permiso para pór en marcha un negocio serán agora máis sinxelas grazas a este
portelo único, en especial en trámites transfronteirizos.
A túa Europa
O portal
A túa Europa, dispoñible en todos os idiomas oficiais da UE, funcionará como punto único de acceso a procedementos como certificados de nacemento, renovación do DNI, reclamacións de pensión, permisos comerciais, cartón de saúde europea, solicitudes de bolsas e recoñecemento de titulacións.
O portal único dixital proporcionará servizos públicos dixitais, receptivos, inclusivos, sen fronteiras e fáciles de usar para cidadáns e empresas a nivel nacional e europeo", destacou a eurodeputada socialdemócrata maltesa Marlene Mizzi, responsable desta negociación no Parlamento.
Modernizar os sistemas nacionais
Os Estados membros deberán modernizar os seus sistemas nacionais para garantir que sexan totalmente accesibles a través de internet, non soamente no idioma do país senón tamén en polo menos outra lingua adicional. Os servizos en liña deberán ser de alta calidade e accesibles para os cidadáns con discapacidades.
Cambios que aforrarán tempo e diñeiro
O portal dixital único permitirá aos cidadáns introducir un documento no sistema unha soa vez, sen ter que reenviarlo con cada xestión.
O novo sistema aforrará aos cidadáns 855.000 horas e 11.000 millóns de euros ao ano ás empresas, segundo a comisaria europea para o Mercado Interior, O?bieta Bie?kowska.
Próximos pasos
Unha vez que os Estados membros aproben as novas regras e o regulamento entre en vigor, as administracións locais, rexional e nacional terán cinco anos para adaptarse.