SOLICITUDE 264: DEVOLUCIÓN DE GARANTÍA
As persoas titulares das licenzas de obras para cuxo outorgamento se lles requiriu a presentación de garantía (aval, depósito, etc.) poden solicitar a devolución desta transcorrido un ano desde a recepción da obra.
No caso de que a garantía estea vinculada a unha licenza de edificación, a devolución da garantía procede unha vez transcorrido un ano desde a concesión da licenza de primeira utilización.
Quen o pode solicitar?
A persoa titular do aval ou garantía.
Que documentación hai que presentar?
- Solicitude xeral.
- Orixinal ou copia compulsada da carta de pagamento.
- No caso de que a garantía fose un depósito: xustificante do banco onde conste o número de conta.
- No caso de actuar en representación, autorización escrita da persoa solicitante ou copia de poder para representala.
Onde se presenta?
Rexistro Xeral.Centro de Servizos Municipais, Ronda da Muralla, 197. Horario: luns a venres, das 9 ás 14 h.
O Rexistro Xeral permanecerá aberto todos os sábados na Casa Consistorial,sito na Praza Maior nº 1 en horario de 10:00 ás 13.00
Cando se presenta?
Transcorrido un ano desde a recepción da obra.
Cal é o prazo para resolver?
Tres meses, contados desde a presentación da solicitude coa documentación completa.
Canto custa?
Gratuíto.
Onde se tramita?
Servizo de Licenzas – Concello de Lugo.