A sinalización acometida no centro histórico de Lugo pretende ofrecer información de interese cultural a través de paneis informativos e direccionais (así como a través doutros medios complementarios) dirixidos tanto a turistas coma á poboación local, co fin de dar unha visión de conxunto da riqueza cultural do centro histórico e orientar a visita cara aos principais lugares de interese.
Utilizáronse os seguintes medios:
A colocación na vía pública dentro do centro histórico dos seguintes elementos:
7 planímetros que recollen o plano do centro histórico, situados nas portas da Muralla con maior tránsito de persoas e lugares máis turísticos. Conteñen información do lugar no que se sitúan e información xeral dos principais puntos de interese do centro histórico, en español, galego, inglés e braille, e un código QR que enlaza cun vídeo.
18 placas informativas de elementos culturais cun breve texto explicativo en español, galego, inglés e braille, e un código QR que enlaza cun vídeo.
8 placas direccionais que orientan cara ás principais prazas e monumentos do centro histórico.
O deseño e edición de 18.000 planos turísticos en tres idiomas (español, galego e inglés) que recollen toda a información da sinalización na rúa xunto con outros datos, que se distribuíron a través de preto de 30 establecementos hoteleiros da cidade que se adheriron a esta iniciativa. Estes planos, que se entregaron case exclusivamente a visitantes da cidade, aproveitáronse para difundir outra iniciativa desenvolvida dentro do proxecto URBAN dirixida a facer promoción da venda de produtos autóctonos a través da Praza de Abastos, o Mercado e outros locais do centro histórico.
A produción de 27 vídeos (cada un editado en español, galego e inglés) subtitulados nos que se ofrece unha explicación máis completa dos elementos culturais a través de actores caracterizados como distintos personaxes públicos da historia da cidade que se presentan cun fondo de decorado da cidade na súa época. Nunha segunda parte do vídeo, grávase o estado actual da cidade no mesmo lugar.
A creación de canles nas plataformas Vimeo e Youtube nas que se poden atopar, organizados por idiomas, todos os vídeos. Os vídeos pódense ver igualmente a través dos códigos QR dos paneis da rúa e dos planos.
Os criterios de igualdade de oportunidades tivéronse en conta intentando garantir a accesibilidade a todo tipo de persoas (persoas con diversidade funcional visual, auditiva e intelectual) a través de:
Textos en braille nos paneis pensando nas persoas con diversidade funcional visual.
Vídeos subtitulados accesibles para as persoas con diversidade funcional auditiva.
Textos informativos básicos dos recursos culturais en tres idiomas tanto nos paneis coma nos planos cun máximo de 50 palabras que fan esta información accesible a persoas con diversidade funcional psíquica.
En todos os textos se seguiu a norma UNE sobre rotulación accesible que facilita a lectura tanto a persoas con diversidade funcional visual como psíquica.
Contouse co asesoramento da ONCE para diversos temas de accesibilidade.
Buscando o código QR que se atopa nos sinais informativos e nos planos, ao escanealo, ou acceder ás direccións abaixo indicadas, móstrase un vídeo que te informará do monumento que se está a visitar.
Canle en Youtube www.youtube.com/user/ProxectoURBAN/videos?view=1&flow=grid
Canle en Vimeo www.vimeo.com/user6622033
Co obxectivo de mellorar o acceso ás persoas cegas e con minusvalía visual á información cultural, instaláronse placas de braille xunto aos textos de información cultural.
SINAIS INSTALADAS |
VÍDEO (galego) |
VÍDEO (español) |
VÍDEO (inglés) |
---|---|---|---|
Porta do Bispo Aguirre (planímetro) |
|||
Porta Nova e restos visibles na fiestra arqueolóxica (planímetro) |
|||
Porta de San Pedro ou toledana (planímetro) |
|||
Praza da Constitución: Porta do Bispo Izquierdo, do Campo Castelo ou do Cárcere (planímetro) |
|||
Praza da Constitución: Reduto María Cristina e Torre da Mosqueira (planímetro) |
|||
Praza de Santa María: Catedral e Museo Diocesano (planímetro) |
|||
Praza de Santa María: Pazo Episcopal (planímetro) |
|||
Praza da Soidade: Igrexa Conventual de San Francisco e Museo Provincial(planímetro) |
|||
Praza de Ferrol: Igrexa de San Froilán e Cuartel de San Fernando (planímetro) |
|||
Porta de San Fernando ou do Príncipe Afonso (elemento cultural exento) |
|||
Porta do Bispo Odoario ou do Hospital (elemento cultural exento) |
|||
Porta de Santiago ou do Postigo (elemento cultural exento) |
|||
Porta da Estación (elemento cultural exento) |
|||
Porta Falsa (elemento cultural exento) |
|||
Praza do Campo e Fonte de San Vicente Ferrer (elemento cultural exento) |
|||
Pazo de Orbán (elemento cultural exento) |
|||
Xardíns do Museo Provincial e cociña do convento de San Francisco (elemento cultural exento) |
|||
Restos do Vello Cárcere Eclesiástico (elemento cultural exento) |
|||
Casa do Concello (elemento cultural exento) |
|||
Igrexa do Convento de San Domingos (elemento cultural exento) |
|||
Igrexa de Santiago, A Nova (elemento cultural exento) |
|||
Igrexa e Convento dos RR.PP. Franciscanos (elemento cultural exento) |
|||
Pazo dos Rexedores Osorio (elemento cultural exento) |
|||
Pazo dos Saavedra de Miraz (elemento cultural exento) |
|||
Pazo de San Marcos. Deputación Provincial (elemento cultural exento) |
|||
Piscina Romana (elemento cultural arrimado) |
|||
Acueduto Romano (elemento cultural exento) |
En 2012 editaronse 17000 planos con información cultural e patrimonial do centro histórico que se distribuíron de xeito gratuíto aos establecementos turísticos:
Guía en galego (arquivo PDF 1.2 MB)
Guía en castellano (arquivo PDF 1.2 MB)
Guía en inglés (arquivo PDF 1.2 MB)
Este proxecto complementouse en 2013 coa edición destes planos adaptados a persoas que presentan diversidade funcional visual, no que os principais monumentos aparecen representados en relieve e se relacionan en braille. Reforzase a información con cor para aquelas persoas que teñen un resto visual.
Estes planos facilitaronse aos aloxamentos da cidade, así como á Delegación da ONCE en Lugo (rúa San Roque, 31-33 baixo 27002 Lugo) que conta con exemplares para a súa distribución entre os seus afiliados e outras persoas coas mesmas necesidades. Así mesmo, tamén están dispoñibles na Oficina Municipal de Turismo (praza do Campo, 11 27001 Lugo)
Concello de Lugo - PROXECTO URBAN - Iniciativa Urbana