Co fin de impulsar o correcto tratamento de residuos desde o Proxecto URBAN levaronse a cabo varias accións.
En 2011 contratouse a instalación de illas de colectores soterrados nas seguintes rúas: Praza do Ferrol, Rúa Tte. Coronel Teijeiro, Praza da Soidade, Rúa Xoán Montes e Rúa Nóreas.
Na súa instalación tiveronse especialmente en conta todos os aspectos relacionados coa accesibilidade, evitando desniveis entre as plataformas e o pavimento e colocando pictogramas en relieve identificativos de cada tipo de residuo.
Co fin de dar a coñecer estas novas instalacións entre os seus potenciais usuarios e facilitar as instruccións precisas para o seu correcto uso, editaronse 4.000 folletos nos que se informa da localización de cada unha das illas, relacionanse os tipos de residuos que se debe introducir en cada colector e explicanse as vantaxas de realizar correctamente esta separación. Estos folletos repartíronse a cada un dos domicilios do centro histórico e a todos os comerciantes, hostaleiros e oficinas.
Folleto uso colectores soterrados
Tras repartir esta información entre todos os interesados, en xullo de 2013 puxose en marcha unha campaña de educación ambiental a través de monitores que, en cada unha das illas, asesorou as persoas que se achegaban a depositar residuos. Ás persoas que o facían correctamente facíaselles un pequeno recoñecemento pegándolles na solapa un adhesivo co lema "Ti si que reciclas ". Ás que necesitaban información ou sensibilización, orientábaselles coa información do folleto e explicábaselles a importancia de non mesturar distintos tipos de residuos que poden entorpecer o proceso de reciclaxe. Nesta campaña atenderonse máis de 600 persoas e serviu para detectar que os particulares realizan a separación en orixe e depositan de xeito correcto nunha porcentaxe moi superior as pemes. Estes datos facilitan unha información moi valiosa para saber como hai que orientar futuras campañas.
Concello de Lugo - PROXECTO URBAN - Iniciativa Urbana