O xurado do quinto Concurso de Tapas de Lugo, organizado pola Concellería de Cultura e Turismo do Concello de Lugo, visitou os oito establecementos finalistas e tras a degustación das súas tapas, concedeu as seguintes distincións:

Premios de votación polo xurado	Tapa e Establecemento	Foto
1º premio de tapa creativa	Solombo de porco, touciño real, San Simón e cervexa negra RESTAURANTE PAPRICA
2º premio de tapa creativa	Milfollas de bacallau e verduriñas con tomate confeitado e xerminados RESTAURANTE CAMPOS
1º premio de tapa tradicional	Carrilleira de porco con pataca e viño da Ribeira Sacra A TABERNA DO ESPAÑA
2º premio de tapa tradicional	Fardelo Mareiro RESTAURANTE MANUEL MANUEL
Tapa que mellor marida co viño da D.O. Ribeira Sacra ou que mellor o usa como ingrediente	Carrilleira de porco con pataca e viño da Ribeira Sacra A TABERNA DO ESPAÑA

O xurado de expertos que elixiu ós catro gañadores desta edición estivo composto por:

• Patricia Cuevas - Directora do CSHG.
• Benigno Campos, cociñeiro do programa TVG Larpeiros.
• Tomás Alonso Rodríguez – xornalista presentador do programa da TVG Larpeiros.
• José María Martínez Alonso (Pepe Veiro), membro do panel de cata do Consello Regulador da Denominación de Orixe Ribeira Sacra, ademais da Denominación de Orixe de Valdeorras e do Ribeiro.
• Enrique Cobos - Director do departamento de cociña IES Sanxillao.

Ademais dos premios arriba expostos, establécese un premio por cada modalidade, Tapa Creativa San Froilán e Tapa Tradicional San Froilán, premio que elixe o público que visita os establecementos co seu voto (vía internet a través das páxinas web www.lugo.es ou www.lugoturismo.com ou a través dos cupóns de votación dispoñibles en cada establecemento).

Os gañadores deste ano son os que seguen:

Premios de votación popular	Tapa e Establecemento	Foto
Premio de tapa creativa	Segredo de vieira MESÓN DA PELUSIÑA
Premio de tapa tradicional	Fardelo Mareiro RESTAURANTE MANUEL MANUEL