PROXECTO URBAN ( Iniciativa Urbana )

A empresa CAMINA INGENIERIA, S.L. foi a encargada de redactar o proxecto para a repavimentación e canalizacións na rúa Nova. As obras consisten na renovación do adoquín e a execución de canalizacións para a eliminación do cableado que agora discorre polas fachadas e incluso a cruza de forma aérea.
Para organizar os traballos e informar aos veciños afectados, tiveronse dúas xuntanzas cos comerciantes da rúa e tiveronse en conta as súas suxestións para iniciar as obras unha vez finalizado o mes forte de rebaixas. A empresa que executa as obras, Construcciones Sanle Lugo, S.L non puxo ningunha dificultade para adaptarse ás peticións do comercio. Esta actuación ten un prazo de execución de tres meses.